கோவை : 25 ஜனவரி 2024
கோவை குரும்பபாளையத்திலிருந்து செயல்படும் ஆனந்த சைதன்யா அறக்கட்டளை, இளைஞர்களிடம் புத்தக வாசிப்பை ஊக்குவிக்கும் விதமாக “வாசிக்கலாம் வாங்க” என்ற இயக்கத்தை பள்ளி, கல்லூரிகளில் நடத்தி வருகிறது. இந்த இயக்கத்தின் ஒரு பகுதியாக, கோவை நேரு நகரில் உள்ள அரசு நடுநிலைப் பள்ளியில் கடந்த இரண்டு ஆண்டுகளாக தொடர் வாசிப்பு இயக்கம் நடத்தப்பட்டு வருகிறது.
கடந்த டிசம்பர் (2023) மாதம் நடத்தப்பட்ட புத்தக வாசிப்பு போட்டிகளில், 35-க்கும் மேற்பட்ட மாணவர்கள் பங்கேற்றனர். இதில், சிறப்பாக செயல்பட்ட 6 மாணவர்களுக்கு பரிசுகள் வழங்கும் விழா 24.01.2024 அன்று நடைபெற்றது.
விழாவில், ஆனந்த சைதன்யா அறக்கட்டளை நிறுவனர் திரு. தில்லை செந்தில் பிரபு கலந்து கொண்டு, வெற்றி பெற்ற மாணவர்களுக்கு புத்தகங்கள் மற்றும் சான்றிதழ்கள் வழங்கிப் பாராட்டினார்.
இந்த விழாவை பள்ளியின் தலைமை ஆசிரியை திருமதி. சீதா லட்சுமி ஒருங்கிணைத்தார். நிகழ்ச்சியில், அறக்கட்டளை தன்னாவலர்கள் அன்பரசன், ராஜமுருகன், தினேஷ் மற்றும் ஆசிரியர்கள் கலந்து கொண்டனர்.
இந்த வாசிப்பு போட்டி பரிசளிப்பு விழா செய்தி தினமலர் நாளிதழில் 25 ஜனவரி 2024 அன்று வெளியிடப்பட்டது.